【iPad有咁多款，唔係款款都適合您】學生買iPad前必讀攻略
iPad Pro 買咩尺寸好？ iPad 可唔可以直接當電腦用？ 二千幾蚊既magic keyboard值唔值？好多studygram都有做過iPad介紹既post啦，咁我哋就會加翻最新iPad同magic keyboard既一啲體驗同介紹。
【iPad有咁多款，唔係款款都適合您】學生買iPad前必讀攻略 8
其實全部iPad既分別都係係價錢、mon既大細同處理器方面。
1.價錢：Pro > Air > Mini > iPad
2.Mon既大細：Pro > Air > iPad > Mini
3.處理器：Pro >Air = Mini > iPad (雖然 Pro 既處理器比Air同Mini效能都好好多，但係優勢主要都係體現係剪片同出圖呢啲高强度既工作上面。所以，學生平日上堂用既話，Air同Mini都好夠用。)
【iPad有咁多款，唔係款款都適合您】學生買iPad前必讀攻略 9
究竟邊款iPad先好?
iPad & iPad Air: 如果你買黎係睇 pdf、抄筆記、打筆記、Procreate 畫圖既話，air 同普通既iPad 都好夠用。不過當然，如果錢唔係問題，Pro用起上黎真係好好多XD，因為窄既邊框對個使用感受真係影響好大。
iPad Mini: 咁買Mini既話，主要既考慮都係個大細姐，就係大家睇下會唔會想當係一本筆記簿跟身咁帶黎帶去。
iPad Pro: 如果大家有剪片、設計出圖既需要既話，就要考慮iPad Pro 啦。雖然佢既處理器同Air、Mini又唔係真係爭好遠，但係就可以處理一啲Air、Mini難啲處理既好intense既工作，例如同時edit幾條4K既片。同埋iPad Pro大啲既mon都方便大家係使用顏色、筆刷等視窗既時候，都仲有好多既可視空間可以睇番條片或者個設計，成個工作期間既體驗都會好啲。
【iPad有咁多款，唔係款款都適合您】學生買iPad前必讀攻略 10
如果買iPad Pro買11定12寸好？
我個人係比較推薦12寸既。
12 寸iPad Pro 個mon既其實就係最早開始既iPad尺寸既double，所以多工作業，分左兩個視窗既時候，其實就當係兩部iPad 擺埋一齊用，所以啲視窗顯示既比例就係佢哋一開始設計、最佳既比例，睇起上黎同用埋上黎都比較順。
另外，如果大家iPad 想同鍵盤一齊用既話，11寸 iPad Pro有啲按鍵同觸控板都會縮到比較細，使用既時候唔一定方便。
至於尺寸同重量方面，其實又唔係爭得好遠既。 12 寸既iPad Pro 都可以容易擺入女仔啲細既背囊度。
【iPad有咁多款，唔係款款都適合您】學生買iPad前必讀攻略 11
咁iPad可唔可以取代電腦？
雖然iPad Pro既廣告標題係”你的下部電腦何必要是電腦”，但其實呢句野都有啲狡猾。你的下部電腦可以係假設左你有部電腦，咁已經有部電腦既情況下，下部電腦當然唔一定要係部正常電腦haha
咁我認為其實依家iPad都未可以取代到電腦既。因為:
-
好多軟件未改善實體鍵盤同觸控板既使用問題。例如一個好唔方便既問題: Apple既大對頭 Google 同Microsoft 啲文書軟件係選擇文字既時候仲需要用手去選擇，唔可以用觸控板，好似電腦咁拖動個光標去選擇文字。雖然呢個都係時間上既問題，但係magic keyboard出左咁耐佢哋都未改善，應該想拖得就拖 QAQ
-
好多software 仲未有iPad既版本。例如Adobe都淨係出左Photoshop既iPad版本。而Acrobat個pdf 編輯器iPad版本又係縮水版，比起電腦版少左好多功能。
但係如果你已經有一部電腦，iPad 作為一個補充品真係好好用。唔想帶住好重既電腦出街既時候，iPad 可以幫你處理簡單既文書工作，同時又可以俾你寫野、抄筆記，方便溫書。
【iPad有咁多款，唔係款款都適合您】學生買iPad前必讀攻略 12
Magic Keyboard 使用體驗
呢個keyboard出左之後，評價都好壞參半，可能係因為好多人覺得Apple可以做得更好。
做得好既：
-magic keyboard下面有個插口可以直接幫iPad Pro插電，咁本身iPad既插口就可以用黎插usb或者駁其他野
-magic keyboard比起其他Apple 既iPad keyboard，打字既時候會舒服好多，因為鍵程大左，所以都會有翻多哋手感
-成個設計好緊湊。iPad 同 keyboard 中間懸浮既位置可以擺落一部iPhone Pro 同尿袋，係唔同場所插電或者用都可以好慳位
-因為處理器啲野都係iPad度，所以成舊野擺係大腿上面用既時候都唔會feel到keyboard下面好熱
【iPad有咁多款，唔係款款都適合您】學生買iPad前必讀攻略 13
做得唔好既：
-大家特別要留意既係個重量，裝左magic keyboard既iPad 個重量差唔多會double左，12寸iPad+magic keyboard 其實已經同 13寸既Macbook Pro 差唔都重
-因為個keyboard 得一個開合方向，而冇其他折疊方法，所以畫圖/寫字既時候可能會唔係好舒服，或者就要攞部iPad落黎，或者反番轉黎用。但係我自己使用既時候，就算係懸浮係度寫字/畫圖，都仲接受到
另外，當然啦，個keyboard好多人都覺得貴，同埋淨係用到係iPad Pro度。咁值唔值其實就睇個人既～
【iPad有咁多款，唔係款款都適合您】學生買iPad前必讀攻略 14
小結
因為iPad暫時都取代唔到電腦，而好多同學開學前如果買左部電腦之後，其實都冇好多錢淨。咁大學入面我見最多人用既都係iPad 同 iPad Air。不過如果大家唔係急住用既話，可以等下Apple 九月既發佈會，據聞iPad Air可能會升級為好似iPad Pro 窄邊框既版本（未經證實，都係戴番頭盔先～）