Goodnotes V.S OneNote 比較：熱門筆記 Apps 全方位評比 #2
疫情肆虐，學生成日都要係屋企用電子產品上堂，而搵到啱自己嘅筆記 Apps可以提高學習效率，令你讀書事半功倍！上次小編選擇左Goodnotes、 Notability 兩款熱門筆記 Apps同大家做筆記 Apps 嘅評比，大家反應都唔錯，所以小編決定再幫大家分析唔同筆記 Apps 嘅優點同缺點 ! 今次就係Goodno
疫情肆虐，學生成日都要係屋企用電子產品上堂，而搵到啱自己嘅筆記 Apps可以提高學習效率，令你讀書事半功倍！上次小編選擇左Goodnotes、 Notability 兩款熱門筆記 Apps同大家做筆記 Apps 嘅評比，大家反應都唔錯，所以小編決定再幫大家分析唔同筆記 Apps 嘅優點同缺點 ! 今次就係Goodnotes、OneNote嘅大評比。希望幫到你搵到適合嘅筆記Apps，製作屬於自己嘅精讀筆記。
Goodnotes 、 OneNote 基本資料
| | Goodnotes | OneNote | | 分類 | 筆記 | 筆記 | | 價錢 | HKD 78 | 免費 | | Size | 308.6MB | 464.9MB | | 供應商 | Time Base Technology Limited （香港） | Microsoft Corporation（美國） | | 支援系統 | iPadOS, iOS, macOS | iPadOS, iOS, macOS, Android |
Goodnotes、OneNote基本資料比較
價錢方面，OneNote的確係學生既恩物（值得留意嘅係，iPadOS, iOS, macOS同埋 Android 版嘅OneNote都係免費嘅，不過 Android最多只可以建立五百個筆記，如果想升級為完整版，享受無限制嘅使用，就需要以$40係應用程式購買），不過功能上Goodnotes都唔輸差架。想知邊個app比較適合你？以下小編就幫大家從唔同方面比較左兩個apps，大家可以根據自己嘅需要選擇！
Round 1 : Goodnotes 、 OneNote 比較頁****面設計
1.1 頁面樣式
Goodnote似現實中的筆記簿，大家可以自由設計或者下載其他相做封面。而模版都非常豐富，包括 A3至A7嘅紙、書信等唔同大細，仲有三種紙張顔色揀。
Goodnotes 頁面樣式示意圖 (取Goodnotes官方網頁)
而Onenote 似活頁簿，有樹狀筆記嘅分類同層次，唔同分會有唔同顏嘅標籤顯示，而各分區都可以有自訂數量嘅頁面，好清楚就搵到想溫嘅課題。
OneNote頁面樣式示意圖 (取自OneNote官方網頁)
1.2 頁面管理
Goodnotes嘅頁面大小有限制，係固定嘅，冇位就需要添加另一頁。不過添加下一頁嘅操作非常簡單，唔需要擔心。
而 Onenotes 係可以將頁面無限延伸嘅，無論你果課書有幾長，都一定唔會唔夠位。
Round 2 : Goodnotes 、 OneNote 比較筆****類功能
| | Goodnotes | OneNote | | 筆的種類 | 3種 (鋼筆、圓珠筆、畫筆) | 1種 (普通畫筆) | | 筆刷粗細 | 0.1-2mm 自由調節，每次可儲存3種筆刷大小 | 5種粗幼間距，可自由調節 | | 支援的觸控筆款 | Apple Pencil | Apple Pencil | | 防誤觸的功能 | ✔ | ✔ |
Goodnotes 、 OneNote 筆類功能比較
小提示1 : Goodnotes 內嘅圓珠筆嘅粗幼係冇變化嘅，所以如果係上堂抄notes嘅話，最好選擇圓珠筆，就可以避免筆跡唔清楚啦～而鋼筆同畫筆都會根據壓感有粗幼嘅變化，要好迅速而字體又要清晰咁抄notes就未必岩用，但讀Art 或者 Bio 嘅同學有需要畫圖就好適合啦！而 OneNote只有一款筆，係會根據壓感有粗幼變化嘅，寫字果時就要特別留意啦～
小提示2：OneNote 會因為你使用暗色模式嘅頁面模版而自動幫你深色嘅字跡顏色適調，而 Goodnotes就會保持原色。
Round 3 : Goodnotes 、 OneNote 比較整體功能
3.1 可添加嘅非文本元素種類
| | Goodnotes | OneNote | | 圖片 | ✔ | ✔ | | 表情 | ✘ | ✔ | | 公式 | ✘ | ✔ | | 錄音 | ✘ | ✔ | | GIF | ✘ | ✘ | | 幾何圖形 | ✔ | ✔ | | 網絡鏈接 | ✘ | ✔ | | 置入PDF | ✔ | ✔ |
Goodnotes 、OneNote可添加嘅非文本元素種類比較
Goonotes 同 OneNote都可以添加圖片同埋幾何圖形，兩個 apps都係只會支援常見既幾何圖形 （包括圓形、直線同埋多邊形）。另外，兩個 apps亦都可以置入 PDF，但只有 Goodnotes可以導入 PDF等單個文件。
3.2 比較文字搜索功能
Goodnotes 嘅文字搜索功能非常強大，可以輕易搜尋電腦字體，更加可以辨認手寫嘅字體，辯識度同準確度仲好高添！啱曬極多筆記，想迅速搵到特定 Topic溫習嘅你。
而 OneNote嘅文字搜索功能就相對比較弱，唔能夠模糊搜尋，中文嘅搜尋結果有時會有啲遣漏，但仍然能夠快速搜尋電腦字體，都好方便。
3.3 比較特色功能
Goodnotes 同 OneNote都有獨有嘅特色功能。Goodnotes有內置嘅放大器，方便瀏覽。另外，Goodnotes 亦有內置嘅激光筆，大家做project presentation嘅時候可以使用。
至於OneNote, 大家可以search到 PDF同埋圖片裏面嘅文字，方便以關鍵字搜尋內容。同時，大家可以係 OneNote 嘅 「研究工具」添加額外嘅功能。
Round 4 : Goodnotes 、 OneNote 比較筆記整理
4.1 導出選項
| | Goodnotes | OneNote | | PDF | ✔ | ✔ | | 圖像 | ✔ | ✘ | | 以鏈結共享 | ✔ | ✔ |
Goodnotes、OneNote 導出選項比較
兩款 apps都可以導出為方便閲讀及使用嘅 PDF，而 Goodnotes更有屏幕共享嘅功能，方便討論同埋匯報。
4.2 備份****功能
| | Goodnotes | OneNote | | Dropbox | ✔ | ✘ | | Google Drive | ✔ | ✘ | | OneDrive | ✔ | ✔ | | Box | ✘ | ✘ | | PDF | ✔ | ✘ |
Goodnotes、OneNote備份功能比較
值得留意嘅係，OneNote 有自動儲存嘅功能，會自動儲存係你帳號裏面，唔洗怕好俾心機整嘅筆記因為離線或者 hang 機而消失左。
總結
今次評比嘅兩個apps各有優點，最緊要根據自己嘅習慣同埋需要去揀～小編個人認為如果你係「手寫黨」，習慣左手寫，又或者想善用你支Apple pencil，發揮你嘅創意，設計富有個人風格嘅筆記，Goodnotes嘅功能同支援會比較適合你，令你每次整筆記都有完美嘅手寫體驗；而對於「打字黨」，好少需要為筆記配上插圖，又或者係比較懶惰嘅你，就可以善用OneNote嘅錄音、插入圖片等「懶人必用」嘅功能，製作簡潔嘅筆記。
筆記 Apps唔單只可以好整齊咁將筆記分類，更加方便共享或者分享俾朋友/師弟師妹～（如果你有又有用又靚嘅notes，不妨考慮下登記成為flowsophic 筆記共享平台嘅一分子，幫助其他學生！）
【延伸閱讀】最新熱門筆記 Apps 全方位評比：Goodnotes、Notability