【學生應買Apple還是Windows?】買Windows機8大注意事項
之前就介紹左Mac機既好處同壞處，大家主要都係自己衡量下個價錢同埋Mac機既好處係唔係真係對自己有用（或者自己虛榮心有冇作祟XD）。咁唔係Apple就係Windows嘎啦，所以呢一篇介紹Windows既好處同壞處其實都冇咩意思。咁就反而會講買Windows機要留意啲咩。Windows機唔同既牌子其實都係組裝同一堆既硬件
【學生應買Apple還是Windows?】買Windows機8大注意事項 7
睇翻哋Spec，一啲普遍學生比較要concern既野：
1.電池使用時間：
最好有5個鐘以上以應付你校園既需要，因為Windows既插電設備比較大抽，唔記得帶又好難借到咁啱同樣牌子同樣系列既插電器。另外，一啲效能好好既Windows機個電池可以用既時間反而會短好多。
2. Storage size：
通常Windows機Storage size 都有翻咁上下，好多都有512Gb、1Tb既容量，應該都夠用。Windows本身個system同啲基本software可能佔左30-50GB，大家可以自己預翻。
【學生應買Apple還是Windows?】買Windows機8大注意事項 8
3. Storage type：
儲存設備就有兩種：大家成日聽既hard disk同SSD。SSD既讀取同寫入資料既速度會比hard disk快，同埋kum用啲，已經係依家既主流。一啲Windows機會靜係用SSD，而一啲就會系唔同size既SSD mix hard disk。因為SSD都比hard disk貴，所以同樣價位既話，靜係SSD既電腦通常個total storage size會俾mix既版本細。咁大家自己睇番budget同容量需要購買。
建議大家可以將Windows個system同一啲不斷會有好多資料輸送或者大型既軟件例如 Adobe既software擺係SSD入面，其他一啲課堂ppt、pdf或者文件檔案就擺係hard disk入面。咁樣啟動或者run既時候電腦都會行得快啲。
不過，大家就要小心最好唔好買靜係得hard disk既電腦，因為個電腦可能開機、運行或者開file都比較慢。
【學生應買Apple還是Windows?】買Windows機8大注意事項 9
4. 重量：
特別係女仔啦，因為要成日帶返學，所以用翻輕啲既電腦，～1kg-2kg會好啲（macbook系列都差唔多呢個重量）。
5. CPU&GPU：
CPU最好有i5以上。如果你淨係買黎上堂、睇pdf、煲劇正常使用，GPU通常都唔曬點樣考慮。但係如果你會做好多圖像運算既task，例如Photoshop、剪片、3D modelling，就需要買有獨立顯卡既電腦。啱啱我睇番，原來Photoshop最低要求都要Geforce GTX 1050既顯卡。所以大家有需要買既話，為左未來著想，都係最好買GTX1060或更好既顯卡。
【學生應買Apple還是Windows?】買Windows機8大注意事項 10
不過大家要留意番，一啲官網上建議既顯卡係講緊會裝係desktop入面既顯卡，而係laptop，就算係exactly同一款顯卡，受到體積改裝同散熱既限制後，個效能通常都會差啲。另外，啲顯卡都會有唔同既後綴mark番有小小唔同既model，例如GTX1060Ti效能會比GTX1060好，GTX1060-MaxQ效能會比GTX1060差。所以，大家大概鎖定左一啲心水model之後，可以上YouTube睇啲跑分或者run大型software既測試。
而除左Geforce，仲有其他出顯卡既公司，例如AMD。大家都可以google下唔同公司顯卡名同效能既對照表。
【學生應買Apple還是Windows?】買Windows機8大注意事項 11
6. RAM：
4GB既ram都處理到文書啲正常使用，但係最好有翻8GB。如果要整圖、剪片既話，都係要加到16GB既RAM。
7. 風扇噪音：
呢點可能比較minor，但係大家都可以係買之前去YouTube睇下啲風扇噪音level既測試。（admin有部msi既機淨係睇下YouTube，個CPU都去到八十幾九十度，個風扇都會幾吵下 @@）
【學生應買Apple還是Windows?】買Windows機8大注意事項 12
8. 保養期：
大家買部電腦好可能係預左用到大學畢業，咁就要留意番本身部機係自帶幾耐保養，通常（1-2年）。而唔同公司都會有延長保養既plan，大家可以睇下價錢，衡量下會唔會加到3-4年。